واٹس ایپ نے اپنی سروس کی شرائط میں بڑی تبدیلیوں کا اعلان کیا ہے، جن کے بعد صارفین اب میٹا کے علاوہ کسی بھی دوسرے ادارے کے تیار کردہ اے آئی چیٹ بوٹس کو ایپ میں استعمال نہیں کر سکیں گے۔
15 جنوری 2026 سے ChatGPT، مائیکروسافٹ کا Copilot اور دیگر تھرڈ پارٹی اے آئی چیٹ بوٹس واٹس ایپ پر مکمل طور پر پابندی کا سامنا کریں گے۔
یہ فیصلہ ظاہر کرتا ہے کہ واٹس ایپ اپنی ایپ میں بیرونی اے آئی انٹیگریشنز کو ختم کرنا چاہتا ہے، جس کا اثر عام صارفین کے ساتھ ساتھ WhatsApp Business اکاؤنٹس پر بھی پڑے گا۔
تبدیلی کے بعد صارفین 15 جنوری 2026 کے بعد واٹس ایپ پر کسی بھی غیر میٹا اے آئی چیٹ بوٹ سے بات چیت نہیں کر سکیں گے۔ واٹس ایپ بزنس صارفین، جو پہلے ChatGPT یا Copilot جیسے بوٹس کو سروسز میں استعمال کر رہے تھے، وہ بھی اس سہولت سے محروم ہو جائیں گے۔
یہ پابندی ایسے وقت میں لگائی جا رہی ہے جب گزشتہ چند ہفتوں میں پلیٹ فارم سے بڑی کمپنیوں کے چیٹ بوٹس خود ہی ہٹنا شروع ہو گئے تھے۔
گزشتہ ماہ OpenAI نے تصدیق کی تھی کہ ChatGPT اب واٹس ایپ پر دستیاب نہیں رہے گا، جبکہ اسی ہفتے Microsoft نے بھی اعلان کیا کہ Copilot کو ایپ سے ہٹا دیا جائے گا۔
اگرچہ زیادہ تر صارفین اس پابندی سے متاثر ہوں گے، لیکن واٹس ایپ نے وضاحت کی ہے کہ وہ کاروبار جو کسٹمر سروس کے لیے اے آئی بوٹس استعمال کرتے ہیں، وہ اپنی سروسز جاری رکھ سکیں گے۔
ایسے بزنس اداروں کو اب بھی واٹس ایپ کے اندر اے آئی چیٹ بوٹس استعمال کرنے کی اجازت ہوگی۔
اس کے علاوہ، وہ صارفین جو واٹس ایپ پر ChatGPT استعمال کر رہے تھے، انہیں اپنی چیٹ ہسٹری مائیگریٹ (منتقل) کرنے کی سہولت دی جائے گی۔
تاہم Copilot استعمال کرنے والوں کے لیے یہ سہولت فراہم نہیں کی جائے گی، یعنی ان کی چیٹ ڈیٹا ٹرانسفر نہیں ہو سکے گا۔
واٹس ایپ نے ChatGPT، Copilot اور دیگر چیٹبوٹس کو ایپ سے ہٹانے کا فیصلہ کر لیا
About the Author
