وزیراعلیٰ پنجاب محترمہ مریم نواز شریف کے ویژن، انسپکٹر جنرل پولیس پنجاب کے خواتین کے تحفظ و خودمختاری کے عزم، اور ڈسٹرکٹ پولیس آفیسر سیالکوٹ فیصل شہزاد کی نگرانی و قیادت میں سیالکوٹ پولیس نے خواتین کے لیے ایک منفرد اور جدید سہولت پِنک موبائل پولیس اسٹیشن اینڈ لائسنس یونٹ کا آغاز کر دیا ہے۔
اس سہولت کا باقاعدہ افتتاح گورنمنٹ کالج وومن یونیورسٹی سیالکوٹ میں کیا گیا، جہاں، طالبات اور اساتذہ نے اس اقدام کو زبردست انداز میں سراہا اور خواتین کی سہولت و خودمختاری کے لیے ایک تاریخی پیش رفت قرار دیا۔
اس موقع پر ڈی ایس پی مدثر صدیق نے شرکاء کو موبائل یونٹ کی افادیت، خدمات اور اس کے دائرہ کار کے بارے میں تفصیلی آگاہی دی۔
یہ جدید ترین پِنک موبائل پولیس اسٹیشن ایک مکمل پولیس اسٹیشن کی تمام سہولیات سے مزین ہے۔ اس میں خواتین کو ایف آئی آر کے اندراج، ڈرائیونگ لائسنس (لرنر پرمٹ، تجدید لائسنس ، ڈپلیکیٹ، انٹرنیشنل)، کریکٹر سرٹیفیکیٹ، گاڑی کی تصدیق، گمشدگی کی رپورٹ اور پولیس خدمت مرکز کی دیگر 14 سروسز موقع پر فراہم کی جائیں گی تاکہ خواتین کو باعزت، باسہولت اور بااختیار پولیس خدمات ان کی دہلیز پر دستیاب ہوں۔
ڈی پی او سیالکوٹ فیصل شہزاد نے اس موقع پر کہا کہ وزیراعلیٰ پنجاب محترمہ مریم نواز شریف کے ویژن اور آئی جی پنجاب کی ہدایات کے مطابق سیالکوٹ پولیس خواتین کے تحفظ، خودمختاری اور باوقار سروس ڈیلیوری کے لیے عملی اقدامات کر رہی ہے۔ پِنک موبائل پولیس اسٹیشن کا آغاز خواتین کو محفوظ، بااعتماد اور باسہولت پولیس خدمات فراہم کرنے کی جانب ایک انقلابی قدم ہے۔
سیالکوٹ میں اس سروس کا کامیاب آغاز پنجاب پولیس کے اس عزم کی تجدید ہے کہ وہ ہر شہری تک جدید، شفاف اور عوام دوست پولیس خدمات پہنچانے کے لیے پرعزم ہے۔
وزیراعلیٰ پنجاب محترمہ مریم نواز شریف کے ویژن
